דאָס נײַע בוך פֿון עמיל קאַלין „בוקאַרעשטער שריפֿטן‟ איז זײַן צווייט בוך. די נאָוועלן און דערציילונגען, וואָס זײַנען אַהין אַרײַנגעגאַנגען, זײַנען אַלע געווען געדרוקט אויף אונדזער וועבזײַט. צונויפֿגענומען צוזאַמען, שאַפֿן זיי אַ ממשותדיק בילד פֿון אַ שאַפֿערישער תּקופֿה, דורכגעמאַכט פֿון אַן אויסגערײַפֿטן קינסטלער.
די פּערסאָנאַזשן פֿונעם בוך געהערן מערסטנס צום עלטערן דור, געבוירן אין די לענדער פֿון אַ טאָטאַליטאַרן סאָוועטישן רעזשים, וואָס האָט געלאָזט אין זייערע לעבנס אַ פּסיכישן פּגם. קאַלינס שפּראַך פֿאַרכאַפּט מיט איר נאַטירלעכקייט און אידיאַמאַטישקייט און עס בלײַבט נאָר זיך צו חידושן, פֿון וואַנען זיך נעמט בײַ דעם יונגן־מאַן, דערצויגן אויף עבֿריתּ אין ישׂראל אַזאַ ריינער יאָדערדיקער ייִדיש.
כּדי צו באַשטעלן דעם בוך, פֿאַרבינדט זיך מיט קאַלינען עלעקטראָניש:
emil.Kalin@gmail.com
Yiddish Branzhe 