אויטאָגראַף — גוסטאַװאָ עמאָס

גוסטאַװאָ עמאָס איז אַ סטודענט פֿון ליטעראַטור־װיסנשאַפֿט אין סאַאָ פּאַולער אוניװערסיטעט און, זינט אַפּריל 2020, אַרבעט ער װי אַ ייִדיש־לערער. הײַנט לערנט ער בײַם „אַרבעטער־רינג‟, בײַם אַרגענטינער ייִװאָ און בײַם פּױפּסטלעכן קאַטױלישן אוניװערסיטעט פֿון ריאָ דע זשאַנײראָ, אין גערעם פֿון פּראָיעקט „לעבן פֿאַר ייִדיש‟.
צוזאַמען מיט נח באַרעראַ האָט ער געשאַפֿן הונדערטער שעהען פֿון ייִדיש־שפּראַכיקן תּוכן אױף „יוטוב‟. ער האָט פֿרײַװיליק געאַרבעט אינעם אַרכיװ פֿונעם ייִדישן מוזײ פֿון סאַאָ פּאַולאָ, װוּ ער האָט אָרגאַניזירט אױסשטעלונגען, קאַטאַלאָגירט און איבערגעזעצט געשריבענעם מאַטעריאַל אױף ייִדיש, העברעיִש און דײַטש. דאָרטן נעמט ער אָנטײל אין לײען־ און איבערזעצונג־קרײַזן.