דער ווילנער פֿאַרלאַג Zivedra האָט פֿאַראַיאָרן אַרויסגעלאָזט דאָס בוך פֿונעם באַקאַנטן ווילנער ייִדיש־ליטווישן זשורנאַליסט אַהרון גאָראָן (1919־2009). דעם אַרײַנפֿיר צום בוך האָט אָנגעשריבן דער באַוווּסטער רוסישער שרײַבער, אַ בן־עיר פֿונעם מחבר, גריגאָרי קאַנאָוויטש.
„דער אָנדענק פֿון דער ייִדישער וועלט אין ליטע אין אַלע אַספּעקטן, צעשטערט פֿון אויסלענדישע און אָרטיקע פֿאַשיסטן, איז אָפּגעמערקט געוואָרן אינעם גאַנצן בוך. וועגן דער הויפּט־טעמע קען מען זאָגן: קיין זאַך איז ניט פֿאַרגעסן געוואָרן. ניט קיין באַרימטע שרײַבער, מוזיקער, קינסטלער, ווי אויך די פֿאַרשפּרייטע ייִדישע פּרעסע, ווי אויך אַנדערע וויכטיקע ייִדישע קולטור־געשעענישן און אינסטיטוציעס אין ייִדישן לעבן…‟
דאָס בוך איז באַגלייט מיט זעלטענע פֿאָטאָגראַפֿיעס פֿון פּערזענלעכער און היסטאָרישער ווערט.
Yiddish Branzhe 