איציק קיפּניס, „ייִדישע מעשׂהלעך‟

איציק קיפּניס, „ייִדישע מעשׂהלעך‟, קינד־און־קייט און אַרבעטער־רינג, ירשולים, תשנ״ח 1997
אינעם בוך פֿונעם באַקאַנטן ייִדישן שרײַבער איציק קיפּניס זײַנען אײַנגעשלאָסן זײַנע מעשׂהלעך, וועלכע זײַנען פֿריִער קיין מאָל נישט געווען געדרוקט. דעם כּתבֿ־יד האָט איבערגעגעבן צום דרוק קיפּניסעס טאָכטער בעלאַ.
דאָס ביכל איז צונויפֿגעשטעלט און רעדאַגירט פֿון באָריס סאַנדלער; שיין און אײַנפֿאַלעריש אילוסטרירט פֿון דער מאָלערין איטעלאַ מאַסטבאַום. צום ביכל איז צוגעלייגט אַ ווערטערטײַטש פֿון אומבאַקאַנטע און ווייניק־באַקאַנטע ווערטער און אויסדרוקן.
די מעשׂהלעך פֿונעם ביכל קאָנען זײַן גענוצט סײַ בײַ משפּחה־לייענונגען און סײַ בשעתן די ייִדיש־לימודים.